 |
| 細路哥 ‧ 二十年後 |
半年前，中六開學不久，無意間聽到林海峰的 細路哥II，對歌詞內容有點感動。其實很久以前就聽過這首特別的歌曲，只是年輕不太了解內容。多年後再聽一次，感慨很大，心中就有拍片的念頭。
二十年後真的很遠，那時我快到四十歲。人生過了一半，不知道那時會如何。無論如何，好好利用二十年時間，別讓自己後悔。
某一年 一班啱啱考完公開考試嘅同學 約埋一齊去唱K
流行曲唱到一半既時候
其中一位朋友 問咗隔離嗰位一個問題
喂 你估吓二十年後嘅今日 我地會變成一個點樣既人吖嗱？
二十年後 可能已經成為一個西裝骨骨嘅中環人
手載著勞力士 銀包裡面 有好多張信用卡
放工既時候 就會喺酒吧度 一路望住個煙灰盅
一路留意住隔離檯果個女仔 條裙幾時會走光
二十年嘞 應該轉過好多份工
業餘既時間 大概都係用嚟進修
識做嘅野越嚟越多 但係同時發覺學識越嚟越少
响嗰個時間 間唔中可能會去做吓gym
但係做嚟做去 都係減唔到個肚腩
當然二十年嚟 你間唔中
都會諗起一段 一路都未能夠放低嘅感情
仲一直追尋緊果個人嘅影子
甚至因為不甘寂寞而開始一段新既感情
女朋友越嚟越多 但係愛嘅越嚟越少
細路哥 你得到什麼 你失去什麼
你知道 What are you looking for
二十年後 可能會有身邊嘅親人離開
而响個陣時 你會有好多講唔出口嘅遺憾
同時間 你會發覺 原來人生已經過咗一大半
大概响嗰個時候 終於都會買左嗰一部 好想擁有既汽車
但係仲有二十幾期要供
同年終於都結婚嘞 用左半生嘅積蓄 俾左一層樓嘅首期
有車位 有泳池 有會所
娛樂越嚟越多 但係快樂就越嚟越少
兩年之後 可能會離婚
回復單身之後既一個晚上
一個人坐響梳發上面 揸住個搖控不停咁轉台
食左兩粒安眠藥 點起左支薄荷煙
然後流左一滴 自親人離世之後既眼淚
突然之間你又會諗返起 你响中學既回憶
每日朝頭早 趕住返學校抄功課
上堂個時 一邊o趙住香口膠 一邊喺台底同隔離班既女同學SMS
你又會諗番起 喺二十年前
喺個一晚 一大班同學約埋出嚟唱K唱到天光
仲記得嗰一朝早 返到屋企嘅時候
打開門 响檯面見到 有一碗屋企人留低嘅湯
碗湯已經凍咗嘞
細路哥 你得到什麼 你失去什麼
你知道 What are you looking for
